<?xml version="1.0" encoding="UTF-8"?><song><title>Раббимни улуғлайлик</title>
<lyrics>[V1]
 Куйлаб шўх-шўх санолар
 Раббимни улуғлайлик
 Отамизга олқишу,
 Мақтовларни куйлайлик.

[V2]
 Кўлимиздан тушмасин
 Тор, доира, най наволар
 Отамиздан ҳар қалбга
 Келсин шифо, даволар.

[V3]
 Айтилиб пок тилаклар
 Ўйнаб кулинг ошналар
 Ҳар бир юрак Севгига
 Бўлсин доим ошинолар.

[V4]
 Муқаддас Руҳ оҳиста
 Яйра деса қалбимга.
 Нечун қўшиқ куйламай
 Қутқарувчи Раббимга!

[V5]
 У Худони Ўғлидир
 У ягона Нажоткор!
 Руҳи билан ҳар нафас
 Ишларимга мададкор!

[V6]
 Барҳаётнинг Севгиси
 Исодадир жамул-жам
 Сиздек буюк Худо йўқ
 Меҳрибонсиз эй, Эгам!

[V7]
 Мен ҳам битта эркатой
 Фарзандингиз қўлда тор.
 Сизга мақтов-олқишдан
 Қалбим бўлди беғубор.

[V8]
 Куйлаб шўх-шўх қўшиқлар
 Раббимни улуғлайман.
 Худойимга олқишу
 Мақтовларни куйлайман!</lyrics>
<author>Равшан Хизиров, Улуғбек Абдуҳалимов</author>
<aka>Куйлаб шўх-шўх санолар</aka>
</song>